by admin 
“Brenda dy javëve të para të tetorit, i gjithë procesi do të jetë zyrtarizuar. Qeveria, konkretisht Ministria e Financave, është në fazën përfundimtare të vendimmarrjes për këtë fushatë. Ne në komision kemi rënë dakord që norma tatimore të jetë 5%,” tha Eduard Shalsi në një intervistë për Vizion Plus.
Nisma e rivlerësimit u propozua nga deputetja Blerina Gjylameti në pranverën e këtij viti. Megjithatë, kreu i Komisionit të Ekonomisë, Eduard Shalsi, shpjegoi arsyet pse ende kjo nismë nuk është miratuar.
“Ndryshe nga herët e tjera, kjo fushatë rivlerësimi duhet të shoqërohet me hartën e çmimeve të referencës për çdo zonë. Për kryeqytetin ky informacion është gati, ndërsa puna është në fazën përfundimtare për zonat bregdetare, ku interesi për shit-blerje është më i madh,” tha Shalsi.
Përveç kësaj, ka një arsye tjetër pse fushata nuk është miratuar ende. Pritet të korrigjohen disa referenca në Tiranë, ku për disa zona mund të ketë ulje ose rritje të çmimeve.
“Kemi pasur disa shqetësime. Ka nevojë për disa korrigjime në Tiranë. Jemi duke adresuar këto ankesa për të siguruar që referencat të reflektojnë realitetin,” shtoi Shalsi.”
